వలస

       వలస

ఆకలి రుచికి చిరునామాలవి,

అవమానాలే నరాల్లా  సాగుతున్నప్రాణాలవి  ,

పుట్టి పెరిగిన ఊరే ,

కార్పొరేట్ కాల సర్పమై ఉరి కౌగిలి  బిగిస్తుంటే  ,

పొలం ,పుట్రా వదిలి మెతుకు వేటలో  -

చంకలో పాపడు  ,నెత్తిన మూటడు  

ఆచ్చాదన లేని శరీర భాగలై అతుక్కున్న జీవచ్చవ యాత్ర - 

అందనంత   దూరానున్న బతుకు మజిలీ కోసం.

బండెక్కో,బస్సెక్కో, రైలేక్కో, పడవెక్కో

అనంతం లోనికి పరుగుల పందెం.

మృత్యువు వోడి లోనికి వలస ప్రయాణం.

                                       

                                                                                             డాక్టర్ మాటూరి శ్రీనివాస్

                                                                       20-04-15.