ఒక హిజ్ర కధ

ఒక హిజ్ర కధ

ఏమి చూసుకుని బాయ్యా! మురిసిపాటు, ?

ఏమీ తెలియకుండానే అక్యా!ఆ వెకిలిబాటు ?

సిగ్గు పడాల్సింది నేనో,నీవో మరిసిపోయి ఎందుకా ఎగిసిపాటు?.

నీకున్నదేటో-నాలో లేదనా,

నాకున్నదేటో- మీలో లేదనా ,

భువినేలుతున్న బృహన్నలం  ..

శుభం కోరే సుముహూర్తాలం ..

తేడా మనుషులమేమో ,గానీ

మీలా తేడా మనసుల అమానుషులం కాదు .

ఆలక్ష్య , నిర్లక్ష్యాలకు నెలవైన 

సంస్కారం లేని మీ చులకన చూపులకి కాస్త పలకరింపులు నేర్పండి .

అనివార్య జన్యు విన్యాసాన్ని .

ఆరో వేలు ఉంటే ఏం? ఊడితేనేం? అర వేలు ఉంటేనేం?లేకుంటే నేం?

అవని లో వెలిసిన అర్ధ నారీశ్వరుడను- ఆరాధించండి.

ద్విలింగ మానవతా సమూహాన్ని  –గౌరవించండి .

లింగ వివక్ష ఉద్యమ పరాకాష్ట ను - సహకరించండి .

                                              డాక్టర్ మాటూరి శ్రీనివాస్