| |||
ఎంతసక్కగున్నాదే ....।
చైనా మార్కెట్టు లో తయారైవచ్చింది
ఎంత సక్కగున్నాదే
కరోన ఎంతసక్కగున్నాదే
సిగలో మొగలెట్టి
దేశాలు దాటొచ్చి
మహారాణి దిగింది
ఎంత సక్కగున్నాదే
కరోన ఎంత సక్కగున్నాదే
మతము లేదు నీకు, మందు లేదు గాని
సందు సందు తిరిగి సందడి చేసింది
ఎంత సక్కగున్నాదే
కరోన ఎంత సక్కగున్నాదే
గబ్బిలాల గబ్బు ,అరగదీసిన సబ్బు
అంటుకుంటే జబ్బు
వదలకుందే మబ్బు
ఎంత సక్కగున్నాదే
కరోన ఎంత సక్కగున్నాదే
మూతి మూసుకున్న
ముడుచుకు కూకున్న
మూల మూలనుంచి
నక్కి నక్కి వచ్చి నకరాలు చేస్తుంది
ఎంత సక్కగున్నాదే
కరోన ఎంత సక్కగున్నాదే
చప్పట్లు కొట్టిన లైట్లన్ని ఆర్పిన
తుమ్ము తుమ్మినానంటే
తుస్సు మంటారు
ఎంత సక్కగున్నాదే
కరోన ఎంత సక్కగున్నాదే
లుక్ అవుట్ కోసం లాక్ అవుట్ చేసాము
టిక్కు టాక్ లోని జోకులే వేసాము
మడుసులదరము
దూరం దూరం మంటూ
దులిపి కూకున్నాము
ఎంత సక్కగున్నాదే
కరోన ఎంత సక్కగున్నాదే
చేసిన తప్పుచాలు
ఒప్పుకుంటున్నాము
చేసిందంత చాలు
బయలుదేరితే మేలు
ఎంతసక్కగున్నాదే
కరోన ఎంతసక్కగునినాదే
డా. మాటూరి శ్రీనివాస్
No comments:
Post a Comment