అచ్చే దిన్
అవకాశాలను అటకల మీద దాచేసి
కుటిలత్వాన్ని పిలకల్లో ముడేసి
ఆకాశ మంత అమానవీయాన్ని మూటగట్టుకుని
దిక్కుమొక్కూ లేని చిల్లర దేవుళ్ళను చూపి భయపెడుతూ ,
దోపిడీని స్వాసిస్తూ, అనంత అపచారాన్ని
అడుగడుగునా ఆచరిస్తున్న కడనీతి,
రాసిన ఆకలి
కాలాన్ని,అద్భుతంగా నమ్మబలికి
కోట్లాది బతుకులను క్షుద్బాధ పాల్చేసిన
రామరాజ్యం పునర్నిర్మాణ జెండాతో
కృష్ణ
మాయా గీతణు రాజకీయ అజెండా గా మార్చి
కూలి నాలిని ఏమార్చిన - కులాహంకార సంస్కృతి .
సామాజిక చైతన్యవనంలో కలుపుల అవరోధం .
మానవాళి ఉనికినే ప్రశ్నిస్తున్నవర్ణ
గుణ,కర్మలు సాక్షిగా ఇవి చచ్చే దిన్ కానీ
అచ్చేదిన్ ఎట్లా అవుతాయో .
సమాజ బ్రహ్మజెముడై ద్విజడో ,
మనువు చీమలపుట్టలో నిదురిస్తున్న
వేయి పడగల విషనాగు కుటిలాన్ని
అహ దాహాన్ని చలిచీమలు పీల్చేస్తే
మరిక వచ్చే దిన్, చచ్చేదిన్ కాదు. సచ్చే దిన్
అవి ..అచ్చే దిన్ అవి.
డాక్టర్ మాటూరి శ్రీనివాస్
No comments:
Post a Comment