మంట

నీ అసంటపు ఆధిపైత్యపు మురికి కుంటలో 

నన్నెప్పుడో బానిస బందీని చేసావ్

నిన్న నోట్ బందీని

నేడు ఘర్ బందీని 

మరోమాటలో రోడ్డున పడ్డ చావుకేకని నేను .

నీ దైన శైలి లో అనాదిగా పొదుగుతూనే ఉన్నావ్ సామాజిక దూరాన్ని

నాగు పాములు గుడ్లను పొదిగనట్లు

పెంచుతూనే ఉన్నావ్ అసమానతల భారాన్ని ఖండాంతరాలని

ఇప్పుడు నీ ఆకృత్యాల పాప కార్యంతో 

నా కూలికీ ఆకలికీ తాళం బిగించి

కూటికీ గూడుకీ అపరిచితులను చేసావ్

అయిన వాళ్లకు చార్టెడ్ ఫ్లైట్లు

ఆక్రందన వినబడకూడదని

గొడ్ల చావిడ్లు

మౌనం , నిశ్సబ్దం ఏ ఉత్పాతానికి 

సంకేతాలో తెలుసే ఈ విరగబాటా?!

కొవ్వొత్తులతో పోయేవ కావు మా చీకట్లు

నీ కొవ్వుతో చలి కాచుకోవాలి.

        

డా మాటూరి శ్రీనివాస్

7-7-20