నాగరికత

నాగరికత

సృష్టికి  ఉనికిని నిలిపిన   చరిత్రకు పునాదివి .

మానవ మేధకు  బహు ముఖమైన జ్ఞాన శిఖవి.

ఓ! సంస్కారపు ప్రాతః చిరునామా-

  పుటల్లో పొదుగుతూ ఎదుగుతున్న

రేపటి సత్యానికి  ఆయువు పట్టు ,నీవు .

ఆల్చిప్పలో పడి వాడిగా  వడిగా గట్టిపడుతున్న నిత్య సత్య ముత్యానివి .

సహజ ప్రకృతి విలువకు ఓనమాలు   నేర్పిన

అవసరాల వివేచనా చైతన్యానివి నీవు..

 వనరుల అనూహ్య శక్తిని పసిగట్టించి

మాచేత అద్భుతాలు సృష్తించి,నర్తించిన

నిరంతర జీవ పరిణామ నాట్య విన్యాసానివి , నీవు  .

పయనాల వైనం.

వైనాల పయనం .

శిధిలాల గమనం

చైత్యాల వదనం నీవే !

ఆనవాళ్ళమోడు లైన చదును బతుకుల కు పదును

 పెడుతూ పరుగులులెడుతున్న  నిన్నటిని 

నేటితో  నమోదు చేస్తున్న రేపటి పునాది కలలరేడు. .

తర తరాల తరగని ,చెరగని నిక్షిప్త బంగారు గని

చరిత్ర  పాథశాల . చరిత్రకారుల పానసాల .

ధ్వంస రచనకు ఆలవాలమైన అందాల హరివిల్లు

అష్టా దశ  పురాణాలు దాని కాలి గోళ్ళు .

ఆధారాల ఆధరాల పూర్వ తరాల అనుభవాల సమూహాల సవ్యసాచి.  

భవిషత్ తరాల భావి దిక్సూచి,

నాటి నుండీ నేటి లోనికి,

నేటి నుండి రేపటిలోకి  పయనిస్తున్న అవిర్భావాల పల్లకి

మానవ జాతికి  మహోత్తర చోదక శక్తి ,

నిరంతర శత్రుభయంతో చిరాయువు కోసం తపిస్తూ

క్షణ క్షణం బలపడుతూ

చాందస హీనుల్ని భయపెడుతూ

బయల్పడిన సింధు వొడిలోని  మొహంజదారో మొహానివో

 , యుఫ్రటిస్ ,టైగ్రిస్ ల సుమేరియా బంధువో

నవ్య నదుల నేపధ్యపు బాబిలోనియా బృందావని వో

 మెసొపొటేమియా కావ్య అందాల విందువో 

 ‘నాగరికత’ –నీకు వేనవేల సుగంధ చందనాల వందనాలు .      

                                                                    డాక్టర్ మాటూరి శ్రీనివాస్