మేలుకో మూల వాసి

              మేలుకో.....మూలవాసి....                    రచన  డాక్టర్ మాటూరి శ్రీనివాస్ (28-12-19)

పల్లవి ;        మేలుకో మూలవాసి మేలుకో   (2)

                కనులు తెరచి దేశాన్ని ఏలుకో

                మేలుకో ఆదివాసి మేలుకో     (2)

               ఈ భూమీ నీదేనని  తెలుసుకో    

1 చరణం.   నవ భారత రాజ్యాంగం ఆయుధం

              నవజీవన సౌభాగ్యపు స్వాగతం

              సమభావన సాధనకై సంరంభం

              సంవిధాన సంగీతమే జీవనం  ....    -మేలుకో ‘-

2.చరణం.  బహుజనలకు అధికారమే నినాదం

             ద్విజత్వాన్ని కుటిలాన్ని నిలదీద్దాం  

             అహంభావ మనువునూ ఎదిరిద్దాం

            పురుష సూక్త పాఠమునే ప్రశ్నిద్దాం  .... –మేలుకో –

3.చరణం.     ఉద్యమమే ఊపిరిగా పయనిద్దాం

                సద్భావన సమరతను పోషిద్దాం

               నలుగురిని నవ్యరీతి నడిపిద్దాం

               యువజనోద్యమ  భవ్య గీతి స్వరమౌదాం

              బహునోద్యమ నవ్య రీతికి బలమౌదాం    - ..మేలుకో-,,,,